امریکی اخبار واشنگٹن پوسٹ کی رپورٹ کے مطابق مسٹر ٹرمپ اس سلسلے میں سنجیدہ ہیں اور انہوں نے اس سلسلے میں وائٹ ہاؤس کے مشیروں سے ان کی رائے بھی معلوم کی ہے۔
تقریباً آٹھ لاکھ 11 ہزار مربع میل پر محیط گرین لینڈ ایک بڑا جزیرہ ہے۔ گرین لینڈ ڈنمارک کا ایک خود مختار علاقہ ہے۔ یہ شمالی بحر اوقیانوس اور آرکٹک بحراوقیانوس کے وسط میں ہے۔
ایسا پہلی بار نہیں ہے کہ جب کسی امریکی صدر نے گرین لینڈ سے متعلق اپنی خواہش کا اظہار کیا ہو۔ اس سے قبل سال 1946 میں اس وقت کے امریکی صدر ہیری ٹرمن نے ڈنمارک سے 10 کروڑ ڈالر میں اس برفیلی جزیرے کو خریدنے کی کوشش کی تھی۔
گرین لینڈ کے شمال مغربی علاقے میں امریکی فضائیہ کا اڈہ ہے جہاں تقریباً 600 فوجی تعینات ہیں اور یہ عالمی ریڈار نظام کے نقطہ نظر سے بھی کافی اہم ہے۔