شام سے فوج واپس نہ بلانے کی ٹرمپ سے اپیل

ڈیموکریٹک پارٹی کے اراکین ایک قرار داد کے ذریعہ صدر ڈونالڈ ٹرمپ سے شام سے امریکی فوج کو واپس نہ بلانے کی اپیل کریں گے۔

سینیٹ کے اقلیتی رہنما چک شومر نے کہا کہ امریکی فوج کو واپس بلائے جانے کے وجہ سے ترکی شمالی شام میں كردوں پر حملہ کررہا ہے۔

ڈیموکریٹک پارٹی کے نمائندے اور چیئرمین اور شومر کے درمیان ہونے والی بات چیت کے بعد یہ تجویز لانے کا فیصلہ کیا ہے۔

شومر نے کہا کہ 'ہم ایک قرار داد کے ذریعے ٹرمپ سے فوج کو شام سے واپس بلانے کے فیصلے کو واپس لینے کی درخواست کریں گے تاکہ شام میں كردوں کو بچایا جا سکے۔ ہم اسلامک اسٹیٹ کے دہشت گردوں کو فرار سے روکنے کے لیے ہر ممکن کوشش کریں گے اور اس بات کو یقینی بنائیں گے کہ ترکی امریکہ کے ساتھ شام سے متعلق معاہدوں کا احترام کرے اور اس پر قائم رہے'۔

انہوں نے کہا کہ ٹرمپ کے فیصلے کو واپس لینے کے لیے وہ اس قرار داد کو منظور کرانے کی ہر ممکن کوشش کریں گے۔

قابل غور ہے کہ ٹرمپ نے کچھ دن پہلے شام سے امریکی فوج کو واپس بلانے کا فیصلہ لیا تھا جس کے بعد ترکی نے شمالی شام میں موجود كرد گروپوں پر حملے تیز کر دیے ہیں۔ ٹرمپ کے اس فیصلہ کی بہت سے لوگ مخالفت کر رہے ہیں۔

لوگوں کا کہنا ہے کہ كردوں نے داعش کے خلاف جنگ میں امریکہ کی مدد کی تھی اور اب ہمیں بھی ان کی مدد کرنی چاہئے۔