کیوبا کا امریکی انتخابات میں مداخلت کے الزامات سے انکار

جنوبی امریکی ملک کیوبا پر الزام عائد کیا گیا تھا کہ اس کی حکومت نے امریکی صدارتی انتخابات میں مداخلت کی تھی، جس کی کیوبا کے وزیر خارجہ نے تردید کی ہے۔ وزیر خارجہ نے ٹوئٹ میں لکھا کہ 'صدر ڈونالڈ ٹرمپ کے نمائندوں نے بغیر سوچے سمجھے ہی امریکی انتخابات میں کیوبا کی مبینہ مداخلت کے بارے میں غلط معلومات پھیلائی ہیں، جو سراسر غلط ہے'۔

کیوبا کے وزیر خارجہ برونو روڈریگز پریلا نے امریکی صدارتی انتخابات میں کیوبا کی مبینہ مداخلت کے الزامات کو مسترد کرتے ہوئے کہا ہے کہ اس کے بارے میں جھوٹی افواہیں پھیلائی جارہی ہیں جو سراسر غلط ہیں۔

مسٹر پریلا نے جمعرات کے روز ٹویٹر پر کہا ، صدر ڈونالڈ ٹرمپ کے نمائندوں نے بغیر سوچے سمجھے ہی امریکی انتخابات میں کیوبا کی مبینہ مداخلت کے بارے میں غلط معلومات پھیلائی ہیں، جو سراسر غلط ہے امریکی وزارت خارجہ کی پالیسی کی طرح کیوبا دیگر ممالک کے انتخابی عمل میں مداخلت نہیں کرتا ہے۔

اس سے قبل جمعرات کے روز صدر ٹرمپ کے اعلی وکیل سڈنی پاویل نے عدالت سے الزامات کی بنیا دپر یہ تحقیقات کرانے کا مطالبہ کیا کہ ووٹنگ مشین کااستعمال ڈیموکریٹک امیدوار جو بائیڈن کے حق میں انتخابی نتائج میں دھاندلی کرنےکے لئے استعمال کی گئی تھی۔

مسٹر پاویل کے مطابق، امریکی صدارتی انتخابات میں گنتی پروینزویلا، کیوبا اور چین کے وسیع اثرورسوخ کے شواہد ملے ہیں۔

قابل ذکر ہے کہ 3 نومبر کو امریکہ میں صدارتی انتخابات ہوئے تھے، جس میں ڈیموکریٹک پارٹی کے امیدوار جو بائیڈن کے حق میں 306 الیکٹورل ووٹ پڑے جبکہ جیت کے لیے270 ووٹوں کی ضرورت تھی۔ صدر ٹرمپ نے اپنی شکست کو قبول نہیں کیا اور انتخابات میں ووٹوں کی گنتی میں دھاندلی کے لئے عدالت سے رجوع کیا ہے۔