کورونا ویکسین اس برس کے آخر تک تیار کرنے کی امید: ٹرمپ

امریکہ کے صدر ڈونلڈ ٹرمپ نے امید ظاہر کی کہ رواں برس کے آخرتک کورونا کی ویکسین تیار کر لی جائے گی اور اسے مفت فراہم کرنے پرغور کیا جا رہا ہے۔ تاہم امریکی سائنسدانوں نے کہا کہ اس سال ویکیسن کی بڑے پیمانے پر فراہمی کا امکان نہیں ہے۔

امریکہ کے صدر ڈونلڈ ٹرمپ نے امید ظاہر کی کہ رواں برس کے آخرتک کورونا کی ویکسین تیار کر لی جائے گی اور اسے مفت فراہم کرنے پرغور کیا جا رہا ہے۔ تاہم امریکی سائنسدانوں نے کہا کہ اس سال ویکیسین کی بڑے پیمانے پر فراہمی کا امکان نہیں ہے۔

وائٹ ہاوس میں میڈیا سے بات کرتے ہوئے امریکی صدرنے ویکسین کی تیاری میں تیزی لانے کے لئے'آپریشن وارپ اسپیڈ' کا اعلان کیا جس کی سربراہی چیف سائنسدان و امریکی فوج کے جنرل کریں گے۔

امریکی صدر نے ویکسین کی تیاری کو 'مین ہٹن پروجیکٹ' کے بعد امریکی تاریخ کی وسیع پیمانے پر سائنسی، صنعتی اور لاجسٹکس کی کوشش قرار دیا۔

مین ہٹن پروجیکٹ دوسری جنگ عظیم کے دوران ایک ریسرچ اور ڈیولپمنٹ کا نام ہے جس سے پہلے بار جوہری ہتھیار تیار کیے گئے تھے۔

ان کا کہنا تھا کہ ویکسین تیار ہو یا نہ ہو امریکہ معمول کی جانب واپس لوٹ رہا ہے اور واپسی کا عمل شروع کیا جاچکا ہے اور یہ بہت ضروری ہے۔