برازیل میں کورونا کے مزید 33،057 نئے کیسز

برازیل میں کورونا وائرس کے مزید 33،057 نئے کیسز کی تصدیق اور 739 افراد کے ہلاکت کی اطلاعات ہیں۔

برازیل کی وزارت صحت نے اتوار کے روز اطلاع دی کہ گذشتہ 24 گھنٹوں کے دوران 33،057 نئے کیسز سامنے آنے کے بعد ملک میں متاثرہ افراد کی تعداد 4،528،240 جبکہ اسی عرصے میں 739 افراد کی ہلاکت کے ساتھ اموات کی مجموعی تعداد 136،532 ہوگئی ہے۔

کورونا وائرس

برازیل کی سب سے زیادہ آبادی والی ریاست ساؤ پالو کورونا وائرس سے سب سے زیادہ متاثر ہے جہاں اس وبا سے 33،927 افراد ہلاک ہوئے ہیں، اس کے بعد ریو ڈی جنیرو میں 17،634 اموات ہوئیں۔

کورونا سے ہونے والی اموات کے معاملہ میں برازیل دنیا بھر میں امریکہ کے بعد دوسرے نمبر پر ہے۔