امریکی ریاست میری لینڈ کے بالٹیمور شہر میں مظاہرین نے امریکہ کو کھوج کرنے والے شخص کرسٹوفر کولمبس کا مجسمہ کھینچ کر ہفتے کی رات منہدم کر دیا اور اسے شہر کے اندرونی بندرگاہ میں پھینک دیا۔
مقامی نیوز سائٹ بالٹیمور بریو کے رپورٹر لوئس کراؤس کے ذریعہ شوٹ کردہ ویڈیو میں مجسمہ گراتے ہوئے دیکھا جا سکتا ہے۔
ویڈیو میں دیکھا جا سکتا ہے کہ مظاہرین نے رسیوں کا استعمال کرکے مجسمے کو فرش پر گرا دیا اور مجسمہ زمین پر گرتے ہی وہاں موجود مظاہرین خوشی سے جھوم اٹھے۔
گذشتہ 25 مئی کو امریکی ریاست منیسوٹا کے منیپولیس شہر میں پولیس کے ہاتھوں جارج فلائیڈ کی ہلاکت سے ناراض مظاہرین نے کولمبس اور ان جیسے دیگر افراد کے مجسمے ہٹانے کا مطالبہ کیا ہے۔
مظاہرین کا کہنا ہے کہ اطالوی شخص کولمبس امریکہ میں مقامی لوگوں کی نسل کشی اور استحصال کا ذمہ دار ہے۔
یہ مجسمہ بالٹیمور شہر کی ملکیت میں تھا اور سنہ 1984 میں سابق میئر ولیم ڈونلڈ شیفر اور صدر رونالڈ ریگن نے اسے وقف کیا تھا۔
خیال رہے کہ جارج فلائیڈ کی موت کے بعد سے ہی برطانیہ اور امریکہ سمیت دنیا کے دیگر خطوں میں بھی متعدد شخصیات کے مجسمے توڑے یا ہٹائے گئے ہیں اور سلسلہ اب تک جاری ہے۔
