امریکہ: فارمنگٹن کی عمارت میں دھماکہ

شمال مشرق امریکہ کے فارمنگٹن میں پیر کوایک عمارت میں ہونے والے دھماکے میں فائر بریگیڈ کے ایک عملہ کی موت ہو گئی اور چھ دیگر زخمی ہو گئے۔

فارمنگٹن محکمہ پولیس نے اپنے ایک بیان میں کہا ہے کہ یہ واقعہ صبح کے وقت اس وقت پیش آیا، جب فائر بریگیڈ کا عملہ گیس لیک ہونے کی شکایت کے بعد وہاں پہنچے تھے۔ انہوں نے کہا کہ عمارت کے قریب پہنچنے پر وہاں دھماکہ ہوا۔

فارمنگٹن کی عمارت میں دھماکہ، فائر بریگیڈ کا عملہ ہلاک

بیان میں کہا گیا کہ اس حادثہ میں ایک عملہ کی موت ہو گئی اور چھ دیگر زخمی ہو گئے۔ زخمیوں کو قریبی اسپتال میں داخل کرایا گیا ہے۔

پولیس نے بتایا کہ اس حادثے کی وجہ سے قریب کے کئی مکانوں اور عمارتوں کو بھی نقصان پہنچا ہے، جبکہ اس عمارت کو جہاں دھماکہ ہوا ہے، کافی نقصان پہنچا ہے۔ فارمنگٹن پولیس کے سربراہ جیک پیک نے صحافیوں کو بتایا کہ یہ دھماکہ محض حادثہ تھا۔ انہوں نے بتایا کہ تفتیش شروع کر دی گئی ہے۔