فائزر کووڈ 19 ویکسین کی پہلی خوراک لینے کے بعد نو منتخب امریکی صدر جو بائیڈن نے امریکیوں سے ویکسین حاصل کرنے کی اپیل کی ہے۔
بائیڈن نے ویکسین تیار کرنے پر سائنسدانوں اور محققین کا بھی شکریہ ادا کیا اور مزید کہا کہ ویکسین کی حفاظت کی بات کی جائے تو امریکی عوام کو اس کی فکر کرنے کی کوئی ضرورت نہیں ہے۔
بائیڈن نے ایک ٹویٹ میں کہا کہ 'آج میں نے کووڈ۔19 ویکسین لیا ہوں۔ میں سائنسدانوں اور محققین کی انتھک محنت کا شکریہ ادا کرتا ہوں، جنھوں نے اس کو ممکن بنایا۔ شکریہ!'۔
انہوں نے مزید لکھا 'امریکی عوام کو فکر کرنے کی کوئی بات نہیں ہے۔ جب ویکسین دستیاب ہے تو میں آپ سے گزارش کرتا ہوں کہ اسے لے لو'۔
بائیڈن نے ایک تصویر بھی ٹویٹ کی جس میں انھیں فائزر ویکسین کی پہلی خوراک دی جارہی ہے جس پر نائب صدر کے طور پر منتخب ہونے والی کملا ہیرس نے ٹویٹر پر لکھا 'قیادت ایسی ہی نظر آتی ہے'۔
دی ہل کے مطابق یہ پروگرام امریکی عوام کو ویکسین کی حفاظت سے یقین دلانے کی کوشش کے ایک حصے کے طور پر براہ راست نشر کیا گیا۔
ڈیلیور کے کرسٹیانا کیئر اسپتال میں نرس پریکٹیشنر نے پیر کی سہ پہر کو فائزر اور بائیو این ٹیک کے ذریعہ تیار کردہ ویکسین کی پہلی خوراک بائیڈن کو دی۔
