بحر اوقیانوس: ماہی گیری جہاز میں آگ، 3 افراد ہلاک

جہاز کے انجن روم میں آگ لگنے کے بعد 3 افراد ہلاک ہوگئے۔ اس واقعے کے بعد جہاز میں کاربن مونو آکسائیڈ گیس سے چار افراد بے ہوش ہو گئے، جنہیں اسپتال داخل کرایا گیا ہے۔

بحر اوقیانوس میں اسپین کے زیر انتظام کینری جزائر میں لا لوز بندرگاہ کے قریب روسی ماہی گیری کے جہاز میں آگ لگنے سے تین افراد ہلاک ہوگئے۔

ہسپانوی میڈیا نے جمعہ کو دیر رات اپنی رپورٹ میں یہ اطلاع دی۔

رپورٹ کے مطابق جہاز کے انجن روم میں آگ لگنے کے بعد 3 افراد ہلاک ہوگئے۔ اس واقعے کے بعد جہاز میں کاربن مونو آکسائیڈ گیس سے چار افراد بے ہوش ہو گئے جنہیں اسپتال میں داخل کرایا گیا ہے۔

موقع پر پہنچنے والے نو فائر فائٹر کشتیوں کے ذریعے آگ پر قابو پالیا گیا۔ آگ کی اصل وجہ کا پتہ نہیں چل سکا ہے۔ بتایا جاتا ہے کہ جب واقعہ پیش آیا اس وقت جہاز میں مرمت کے کام کئے جارہے تھے۔

(یو این آئی)