برازیل میں کورونا سے ایک دن میں 4،249 افراد ہلاک

ملک میں ہلاک شدگان کی مجموعی تعداد 345،025 تک جا پہنچی ہے۔

برازیل کی قومی وزارت صحت نے اپنے ایک تازہ ترین ریلیز میں کہا ہے کہ گذشتہ 24 گھنٹوں کے دوران ملک میں کورونا وائرس (کووڈ - 19) سے 4،249 مریض فوت ہوچکے ہیں۔

وزارت نے بتایا کہ اس کے ساتھ ہی ملک میں ہلاک شدگان کی مجموعی تعداد 345،025 تک جا پہنچی ہے۔

انہوں نے کہا کہ اس عرصے میں 86،652 نئے کیسز کی وجہ سے ملک میں متاثرہ افراد کی تعداد 13،279،857 ہوگئی ہے۔

برازیل کووڈ 19 کیسز اور اس وبا کی وجہ سے ہونے والی ہلاکتوں کی تعداد کے لحاظ سے امریکہ کے بعد دنیا میں دوسرے نمبر پر ہے۔

(یو این آئی)