میکسیکو: مسلح افراد کے حملے میں 24 ہلاک

میکسیکو پولیس نے بتایا کہ مسلح افراد نے سات لوگوں کو زخمی بھی کیا ہے جن میں سے تین کی حالت نازک ہے۔ گذشتہ دو ماہ کے دوران ایراپاتو میں اس طرح کا یہ دوسرا حملہ ہے۔

میکسیکو میں بندوق برداروں نے حملہ کرکے 24 افراد کو ہلاک کردیا۔

اطلاع کے مطابق میکسیکو کی ریاست گیاناگوٹو کے وسطی میکسیکن قصبے ایراپاتو میں ایک دواؤن کے مرکز پر مسلح حملہ آوروں نے حملہ کر کے کم از کم 24 افراد کو ہلاک کر دیا ہے۔

مقامی میڈیا رپورٹس کے مطابق سات افراد زخمی ہیں۔ زخمیوں میں سے تین کی حالت تشویشناک بتائی جا رہی ہے۔

پولیس نے بتایا کہ یہ گذشتہ دو ماہ کے دوران ایراپاتو میں ہونے والا ایسا دوسرا حملہ ہے۔ وفاقی حکومت کے ایک عہدیدار نے بھی اس حملے کی تصدیق کی ہے۔