باغیوں کے حملے میں 157 افراد ہلاک

مالی کے ایک گاؤں میں باغیوں کے حملے میں فولانی فرقہ کے تقریباً 157 افراد ہلاک ہو گئے۔

اقوام متحدہ کے ترجمان اسٹیفن دجارک نے کہا کہ اوگوساگو گاؤں کے پیل علاقہ میں منصوبہ بند حملے کے دوران حملہ آوروں نے فولانی فرقہ کے 157 افراد کو موت کے گھاٹ اتار دیا۔

دجارک نے کہا کہ مالی میں اقوام متحدہ کے امن مشن نے 23 مارچ کو موپتی علاقے میں اوگوساگو علاقے میں انسانی حقوق کی خلاف ورزی کی تحقیقات کے لیے ایک خصوصی حقائق مشن نے ابتدائی رپورٹ دی ہے۔

مالی کے خصوصی نمائندے مہامت صالح انادیف نے کہا کہ شہری آبادی میں خاص طور پر خواتین اور بچوں کے خلاف کی گئی بغاوتی ظالمانہ کاروائی سے انہیں گہرا دکھ پہنچا ہے۔
انہوں نے کہا کہ ایسی حرکت کرنے والوں کو عدالت سےسزا ملنی چاہیے۔