جرائم پیشہ افراد نے درجنوں شہریوں کو ہلاک کردیا

نائیجیریا کے مختلف علاقوں میں جرائم پیشہ افراد کی جانب سے ذاتی املاک لوٹنے اور عوامی پراپرٹی کو نقصان پہنچانے کے متعدد واقعات کے دوران 43 افراد ہلاک ہوگئے۔

غیر ملکی خبر رساں اداروں کے مطابق جرائم پیشہ افراد نھے ملکر نائیجیریا کے مختلف علاقوں میں کاروائی کی اور شہریوں کی قیمتی املاک کو تباہ کردیا، اور مسلح موٹر سائیکل سواروں نے 43 افراد کو نشانہ بنایا۔

مقامی پولیس کے مطابق نائیجیریا میں اس قسم کے سخت واقعات ہفتے اور اتوار کی درمیانی شب کو ہوتی ہیں جہاں جرائم پیشہ افراد بجنگلوں سے نکلتے ہیں اور عوامی پراپرٹی کو تباہ کر دیتے ہیں۔

رپورٹ کے مطابق ریاست سوکوٹو کے ضلع رباہ میں جرائم پیشہ افراد نے 4 گاؤں میں لوٹ مار کئے اور 25 افراد کو قتل کر دیا۔

سوکوٹو کے پولیس اہلکار ابراہیم کاوجے کے مطابق '25 افراد کو ماردیا گیا ہے اور حملہ آور کئی مویشیوں کو بھی چرا کر لئے گئے'۔