نائجیریا میں دھماکہ، پانچ بچے ہلاک

نائجیریا کے شمال مشرقی صوبے کتسینا کے ایک گاؤں میں ہوئے دھماکے کے بعد پولیس جانچ کر رہی ہے۔

مغربی افریقی ملک نائجیریا کے شمال مشرقی صوبے کتسینا کے ایک گاؤں میں سنیچر کو ہوئے دھماکے میں پانچ بچوں کی موت ہوگئی جبکہ چھ دیگر زخمی ہوگئے۔

صوبائی پولیس کے ترجمان گمبو عیسیٰ نے ایک بیان جاری کر کے یہ اطلاع دی ہے۔ بیان کے مطابق یہ دھماکہ کتسینا میں مالومفاشی کے مقامی سرکاری علاقے کے یاممتا گاؤں کے ایک کھیت میں ہوا۔

عیسیٰ کے مطابق حادثے کے وقت بچے کھیت میں جانوروں کے لئے گھاس لینے گئے تھے۔ حادثے میں زخمی ہوئے چھ بچے ایک درخت کے نیچے بیٹھے ہوئے تھے۔ اس حادثے کے پیچھے مشتبہ طور پر بم دھماکہ کو ذمہ دار ٹھہرایا جارہا ہے۔ پولیس نے حادثے کے اسباب کا پتہ لگانے کے لئے جانچ شروع کردی ہے۔