ایتھوپیا: آرمی چیف کا قتل

ایتھوپیا میں فوجی بغاوت کو روکنے کی کوشش میں صوبہ امراہارا میں ملک کے آرمی چیف اور ان کے مشیر کو گولی مار کر ہلاک کر دیا گیا۔

ایتھوپیا کے آرمی چیف سیرے میکنین پر حملہ تب کیا گیا جب وہ اور ان کے مشیر حکومت کا تختہ الٹنے کی کوششوں کو روکنے کے لیے منصوبہ سازی کررہے تھے۔

غیر ملکی خبررساں ادارہ کے مطابق افریقی ملک ایتھوپیا میں بغاوت کی کوشش کی گئی اور حکومت کا تختہ الٹنے کی کوشش کو آرمی چیف کی جانب سے روکنے پر انہیں گولی مار کر قتل کردیا گیا، ان کے آفس میں حملہ کیا گیا جس کے نتیجے میں ان کے مشیر بھی ہلاک ہوگئے ہیں۔

ایتھوپیا کے سرکاری حکام کا کہنا ہے کہ' ایتھوپیا کی 9 ریاستوں میں بغاوت کی ناکام کوشش کی گئی ہے اور حملہ کے بعد ایتھوپیا کی فوج کے چیف آف اسٹاف سے متعلق کوئی اطلاع نہیں آئی جب کہ ایتھوپیا میں انٹرنیٹ خدمات معطل کردی گئی ہے۔