صومالیہ: ہوٹل پر خودکش حملہ، 17 ہلاک

افریقی ملک صومالیہ کے دارالحکومت موغادیشو میں ایک ہوٹل پر ہوئے خودکش کار بم دھاکے اور گولی باری میں تقریباً 17 لوگوں کی موت ہوگئی۔

پولیس ترجمان صاد عدن علی نے بتایا کہ خودکش حملہ آورووں نے دھماکہ خیز مادے سے بھری ایک کار ہوٹل کے داخلی دروازے سے ٹکرا دی اور دھماکے کے بعد مسلح بندوق برداروں نے ہوٹل کی عمارت کے اندر اندھادھند فائرنگ کی۔

تفصیلات کے مطابق حملے میں کم از کم 17 لوگ ہلاک ہوئے ہیں جبکہ ہلاکتوں کی تعداد میں مزید اضافہ ہوسکتا ہے۔

مبینہ طور پر پولیس نے ہوٹل کے کچھ لوگوں کو بچایا ہے جس میں ہوٹل کا مالک اور فوج کا ایک جنرل بھی شامل ہے۔

شدت پسند تنظیم القاعدہ سے تعلق رکھنے والے گروپ الشباب نے ہوٹل پر ہوئے حملے کی ذمہ داری لی ہے۔