غیر ملکی خبر رساں ایجنسی کے مطابق الجیریا کے آرمی چیف احمد صالح چار روز قبل ہی الجزائر کے نئے منتخب صدر عبدالمجید تبون کی حلف برداری کی تقریب میں شرکت کی تھی۔
نئے صدر نے اپنے عہدہ کا حلف اٹھانے کے فوری بعد جنرل احمد صالح کو ملک کا سب سے اعلیٰ اعزاز 'آرڈر آف میرٹ' دیا تھا۔
خبر رساں ایجنسی کے مطابق جنرل احمد صالح کو ہارٹ اٹیک ہوا جس کے باعث انہیں فوری طور پر ملٹری ہسپتال پہنچایا گیا جہاں انکی موت ہو گئی۔
ان کی وفات پر صدر عبدالمجید تبون نے ملک میں تین دن کے سوگ کا اعلان کیا ہے اور برّی فوج کے سربراہ جنرل سعید شنقريحہ کو مسلح افواج کا قائم مقام چیف آف اسٹاف مقرر کیا ہے۔