ممبئی: فلمساز یش چوپڑا کی اہلیہ اور معروف پلے بیک گلوکارہ پامیلا چوپڑا کا انتقال ہوگیا۔ وہ 74 برس کی تھیں۔ خاندانی ذرائع نے جمعرات کو یہاں یہ جانکاری دی۔ بالی ووڈ کے ذرائع نے بتایا کہ آنجہانی چوپڑا کی اہلیہ چند ہفتوں سے بیمار تھیں۔ انہیں علاج کے لیے ایک پرائیویٹ اسپتال میں داخل کرایا گیا تھا، جہاں آج صبح ان کا انتقال ہوگیا۔ وہ اپنے دو بیٹوں، فلم پروڈیوسر آدتیہ چوپڑا (اداکارہ رانی مکھرجی کے شوہر) اور اداکار پروڈیوسر ادے چوپڑا کے ساتھ رہتی تھیں۔
ان کی آخری رسومات جوہو میں ادا کی گئیں، جس میں خاندان کے افراد اور بالی ووڈ کی کئی مشہور شخصیات نے شرکت کی۔ خاندان نے 'گہرے دکھ کی اس گھڑی میں رازداری' کی درخواست کی اور ان کی دعاؤں کے لیے سب کا شکریہ ادا کیا۔ پامیلا کی شادی 1970 میں دادا صاحب پھالکے ایوارڈ یافتہ لیجنڈ فلمساز بی آر چوپڑا کے چھوٹے بھائی یش چوپڑا سے ہوئی تھی۔دادا صاحب پھالکے ایوارڈ یافتہ یش چوپڑا اکتوبر 2012 میں ڈینگی کی وجہ سے 80 سال کی عمر میں ممبئی میں انتقال کر گئے تھے۔