Sonakshi Sinha Engaged: کیا سوناکشی سنہا نے منگنی کرلی ہے؟

دبنگ اسٹار سوناکشی سنہا نے منگنی کرلی ہے۔ اداکار نے اپنے انسٹاگرام ہینڈل پر اپنے منگیتر کے ساتھ تصویروں کا ایک سلسلہ شیئر کیا۔ تصویروں میں سنہا کو اپنی منگنی کی انگوٹھی دکھاتے ہوئے نظر آرہی ہیں۔ Sonakshi Sinha engaged

حیدرآباد (تلنگانہ): بالی ووڈ اسٹار سوناکشی سنہا کی منگنی ہوگئی ہے، سوشل میڈیا پر ان کی تصویروں کو دیکھ کر یہی لگ رہا ہے کہ وہ بھی اب جلد ہی شادی کے بندھن میں بندھنے والی ہیں۔ دبنگ اسٹار نے اپنے انسٹاگرام ہینڈل پر اپنے منگیتر کے ساتھ تصاویر کا سلسلہ تو شیئر کیا ہے لیکن اداکار نے اپنے مداحوں کے ساتھ اس شخص کا چہرہ پوشیدہ ہی رکھا ہے جس کے ساتھ وہ اپنی تمام زندگی گزارنے والی ہیں۔ Sonakshi Sinha engaged

تصویریں شیئر کرتے ہوئے سوناکشی نے لکھا کہ 'میرے لیے بڑا دن ہے۔ یہ میرے سب سے بڑے خوابوں میں سے ایک کے سچ ہونے جیسا ہے اور میں اسے آپ سب کے ساتھ شیئر کرنے کا اور انتظار نہیں کرسکتی ہوں۔ مجھے یقین نہیں ہورہا ہے کہ یہ اتنا آسان ہے'۔ اداکارہ کے ذریعہ شیئر کی گئی ان تصاویر میں آپ دیکھ سکتے ہیں کہ انہوں نے اپنی انگلی میں ایک بڑی ہیرے کی انگوٹھی پہن رکھی ہے لیکن اس تصویر میں ایک اور چیز غور کرنے والی یہ ہے کہ اس میں وہ اپنے منگیتر کے ساتھ تو نظر آرہی ہیں لیکن اداکارہ نے ان کی شناخت ظاہر نہیں کی ہے۔ Sonakshi Sinha Fiance سناکشی کو ان تصاویر میں اپنے منگیتر کے بازو اور ہاتھ پکڑے ہوئے دیکھا جاسکتا ہے۔ Sonakshi Sinha Engagement Ring

سناکشی سنہا کی آئندہ پروجیکٹ کی بات کریں تو وہ ڈبل ایکس ایل میں ہما قریشی کے ساتھ پہلی بار کام کرتی ہوئی نظر آئیں گی، اس فلم میں جسمانی وزن کے دقیانوسی سوچ کو دکھایا گیا ہے۔ اس کے علاوہ وہ ریما کاگتی اور زویا اختر کی ہدایتکاری میں بننے والی سیریل کلر ڈرامہ میں ایک پولیس انسپکٹر کا کردار ادا کرتی ہوئی نظر آئیں گی۔