Zinda Banda Song Release: فلم جوان کا پہلا نغمہ زندہ بندہ ریلیز، شاہ رخ خان ہمیشہ کی طرح دمدار اوتار میں نظر آئے

بالی ووڈ اداکار شاہ رخ خان کی فلم جوان کا پہلا گانا زندہ بندہ آج ریلیز کردیا گیا ہے۔ گانے میں شاہ رخ خان کا دمدار اوتار دیکھنے کو مل رہا ہے۔

شاہ رخ خان نے پیر کو اپنی آنے والی فلم جوان کا پہلا گانا زندہ بندہ ریلیز کردیا ہے۔ اس گانے کو تین زبان ہندی، تمل اور تیلگو میں ریلیز کیا گیا ہے۔ گانے کا ہندی عنوان زندہ بندہ، تمل میں وندھا ایڈم اور تیلگو میں دھُمے دھولیپیلا ہے۔ گانے میں شاہ رخ خان ہزار ڈانسر کے ساتھ زبردست رقص کرتے نظر آرہے ہیں۔ وہیں زندہ بندہ میں ثانیہ ملہوترا اور پریامنی بھی شاہ رخ خان کے ساتھ تھرکتے نظر آئی ہیں۔Zinda Banda song release

پیر کے روز شاہ رخ خان نے اس وقت مداحوں کو خوشخبری دی تھی جب انہوں نے اعلان کیا کہ آج ان کی فلم جوان کا پہلا نغمہ ریلیز کردیا جائے گا۔ اس گانے کی موسیقی دینے کے علاوہ اسے گایا بھی انیرودھ روی چندر نے ہے۔ فلم کے ہندی بول ارشاد کامل نے لکھے ہیں جنہوں نے راک اسٹار اور رانجھا جیسی فلموں کے لیے گانے لکھے ہیں۔

شاہ رخ خان نے پیر کے روز انسٹاگرام پر ایک پوسٹ شیئر کرتے ہوئے بتایا کہ فلم کا پہلا گانا زندہ بندہ آج ریلیز کردیا گیا جائے گا۔ گانے کو تین زبانوں ہندی، تمل اور تیلگو میں ریلیز کیا جائے گا۔ فلم میں شاہ رخ خان کے علاوہ نینتھارا، وجے سیتھوپتی اور دیپیکا پڈوکون اہم کردار میں ہیں۔ اس فلم کو ان کے بینر ریڈ چیلیز کے تحت فلمایا گیا ہے جبکہ ان کی اہلیہ گوری خان نے فلم کو پروڈیوس کیا ہے۔ واضح رہے کہ فلم جوان کا پریویو اس ماہ کے شروع میں ریلیز کیا گیا تھا جسے مداحوں کی جانب سے مثبت ردعمل ملا تھا۔ فلم جوان 7 ستمبر کو ریلیز ہونے والی ہے۔