Ranveer Singh in Rohit Shetty New Project: رنویر سنگھ اور روہت شیٹی اس پروجیکٹ کے لیے ایک ساتھ آئے

بلاک بسٹر جوڑی روہت شیٹی اور رنویر سنگھ ایک دلچسپ پروجیکٹ کے لیے ایک بار پھر ایک ساتھ کام کرنے والے ہیں۔ تفصیل جاننے کے لیے خبر پڑھیں۔ Ranveer Singh and Rohit Shetty

ممبئی: بلاک بسٹر جوڑی روہت شیٹی اور رنویر سنگھ ایک بار پھر مل کر ایک زبردست پروجیکٹ لانے والے ہیں۔ دونوں نے جمعرات کو اپنے سوشل میڈیا اکاؤنٹس پر مصالحہ سے بھری اپنی آئندہ پروجیکٹ کی ایک جھلک شیئر کی ہے۔ اس خبر نے مداحوں کے دل میں جوش وخروش کو جنم دے دیا ہے۔ Ranveer Singh and Rohit Shetty

ان کی جوڑی نے پہلے ہی تفریحی دنیا میں شاندار پروجیکٹ دئیے ہیں ، اس وقت بھی دونوں کا ارادہ کچھ ایسا ہی ہے۔ پردے کے پیچھے شوٹ کیے گئے اس ویڈیو میں زبردست ایکشن دیکھنے کو مل رہا ہے، جس میں روہت شیٹی رنویر سنگھ کو ہدایت دیتے ہوئے نظر آرہے ہیں اور رنویر کے ہاتھوں میں بندوق نظر آرہے ہیں۔ روہت نے انسٹاگرام پر یہ ویڈیو شیئر کرتے ہوئے لکھا ہے کہ ' یہ صرف ایک جھلک ہے کہ ہم کس طرح نوڈل کمرشل کی شوٹنگ کرتے ہیں۔۔۔میں جانتا ہوں کہ گاڑیاں اس میں بھی اڑ رہی ہیں لیکن کیا کروں۔۔سیدھا کام تو ہمیں آتا ہی نہیں ہے'

وہیں رنویر سنگھ نے یہی ویڈیو کو انسٹاگرام پر شیئر کرتے ہوئے لکھا کہ ' باس اور باس ایک ساتھ پھر واپس آگئے ہیں۔ واضح رہے کہ فلم سرکس کی ہدایتکاری روہت شیٹی کر رہے ہیں اور اس میں مرکزی کردار رنویر سنگھ ادا کرنے والے ہیں۔ اس فلم میں پوجا ہیگڑے، جیکلین فرنانڈیز اور ورون شرما بھی نظر آنے والے ہیں۔ یہ فلم رواں سال دسمبر میں ریلیز ہونے والی ہے۔