Ranbir-Alia wedding: عالیہ بھٹ اور رنبیر کی شادی کی تقریب میں پہنچیں کرینہ اور کرشمہ کپور

بالی ووڈ کی خوبصورت جوڑی رنبیر کپور اور عالیہ بھٹ کی شادی کی تقریبات کا آغاز ہوگیا ہے اور اب مہمان بھی اس جوڑے کی خوشی میں شامل ہونے کے لیے پہنچنے لگے ہیں۔ رنبیر کی چاچا زاد بہنیں کرشمہ کپور، کرینہ کپور خان، نتاشا نندا اور پھوپھی ریما جین سمیت خاندان کے تمام افراد ممبئی کے باندرہ میں واقع رنبیر کے رہائش گاہ واستو پہنچ گئے ہیں۔ Ranbir-Alia wedding

رنبیر کپور اور عالیہ بھٹ کی شادی کی تقریبات آج سے شروع ہوگئی ہیں۔ رنبیر کی چاچازاد بہن اور اداکارہ کرینہ کپور اور کرشمہ کپور بھی کپور خاندان کے چراغ کی شادی کا حصہ بننے کے لیے پہنچ گئی ہیں۔ وہیں رشی کپور کی بہن ریما جین اور ریتو اور راجن نندا کی بیٹی نتاشا نندا بھی رنبیر کے گھر پہنچی ہیں۔ کپور اور بھٹ خاندان کے رکن کے علاوہ کئی قریبی دوستوں کو رنبیر کے رہائش گاہ واستو میں دیکھا گیا ہے۔ تمام مہمان رنبیر اور عالیہ کی شادی میں شرکت کرنے کے لیے بھارتی لباس میں ملبوس نظر آئے۔ Ranbir-Alia wedding

رنبیر کی والدہ نیتو کپور کو اپنی بیٹی ردھیما کپور ساہنی، نتنی سمارا اور داماد بھرت ساہنی کے ساتھ ممبئی کے باندرہ علاقے میں واقع رنبیر کی واستو رہائش گاہ پر شادی سے پہلے ہونے والی تقریبات کے لیے پہنچتے ہوئے دیکھا گیا۔ ایک سفید رنگ کی ائیرکنڈیشنڈ وین کو بھی رنبیر کے رہائش گاہ میں داخل ہوتے ہوئے دیکھا گیا۔ Karisma, Kareena and others Arrive

اطلاع کے مطابق آج رنبیر کے گھر میں ان کے آنجہانی والد رشی کپور کی یاد میں پوجا کا اہتمام کیا جا رہا ہے۔ دلچسپ بات یہ ہے کہ رنبیر اور عالیہ کے قریبی دوست آیان مکھرجی نے اس جوڑی کو اس نئی شروعات کے لیے مبارکباد دیتے ہوئے اپنی فلم برہمسترا کا محبت بھرا نغمہ کیسریا کی ایک جھلک شیئر کی۔ رنبیر اور عالیہ کی انتہائی متوقع شادی کی تقریب آر کے ہاؤس میں 4 دن تک جاری رہے گی۔ عالیہ اور رنبیر برہمسترا کے سیٹ پر ایک دوسرے کے محبت میں گرفتار ہوئے تھے۔