PC Reacts on Her Recent Interview: پرینکا چوپڑا نے بتایا کہ انہوں نے برسوں بعد بالی ووڈ چھوڑنے کا موضوع کیوں چھیڑا

پرینکا چوپڑا نے ممبئی میں سیٹاڈل کی تشہیر کے دوران اپنی حالیہ انٹرویو سے ہوئے تنازع پر بات کی۔ انہوں نے اپنے انٹرویو میں کہا تھا کہ انہیں ہندی فلم انڈسٹری میں مخالفت کا سامنا کرنا پڑا کیونکہ لوگوں نے انہیں فلموں میں کاسٹ کرنا چھوڑ دیا، جس کی وجہ سے انہیں مجبوراً ہالی ووڈ جانا پڑا۔

اداکارہ پرینکا چوپڑا نے بالی ووڈ میں کرئیر بنانے کے اپنے مشکل سفر پر اکثر اپنے خیالات کا اظہار کیا ہے۔ اداکارہ نے ممبئی میں اپنی پرائم ویڈیو سیریز سیٹاڈل کے ایک خصوصی تشہیری پروگرام میں اس تبصرے پر کھل کر بات کی، جس نے گزشتہ ہفتہ بالی ووڈ میں ایک نئے تنازع کو جنم دے دیا تھا۔ اداکارہ نے حالیہ ایک پوڈ کاسٹ میں کہا تھا کہ انہیں بالی ووڈ میں نظرانداز کیا گیا تھا جس کی وجہ سے انہیں ہالی ووڈ کا سفر طئے کرنا پڑا تھا۔ اداکارہ نے اپنے اس تبصرے پر کہا کہ انہوں نے اپنے دل کی بات کہی ہے۔PC Reacts on Her Recent Interview

پرینکا کے ان تبصروں نے ہندی فلم انڈسٹری میں آؤٹ سائڈر کے ساتھ امتیازی سلوک کے رویہ کے حوالے سے سوشل میڈیا پر ایک بحث چھیڑ دی تھی۔ تاہم کچھ سوشل میڈیا صارفین نے یہ بھی سوال اٹھایا کہ یہ انٹرویو ایسے وقت میں آیا ہے جب ان کی پرائم ویڈیو پر ویب سیریز سیٹاڈل ریلیز ہونے والی ہے۔

ممبئی میں اپنی ویب سیریز سیٹاڈل کی تشہیری پروگرام کے دوران پروینکا چوپڑا سے ان کے حالیہ انٹرویو سے پیدا ہوئی ہلچل پر پوچھا گیا۔ پرینکا چوپڑا سے پوچھا گیا کہ انہوں نے برسوں بعد بالی ووڈ میں اپنے تجربے کے بارے میں بات کرنے کا انتخاب کیوں کیا؟ جس کے جواب میں اداکارہ نے کہا کہ ' جب میں پوڈ کاسٹ کر رہی تھی، مجھ سے میری زندگی کے سفر کے بارے میں پوچھا گیا۔ میں اپنی جوانی کے وقت 10، 15، 22، اور 40 سال کے سفر پر بات کی۔ میں نے اپنے سفر کی حقیقت بیان کی۔ مجھے لگتا ہے کہ میں اب اپنی زندگی کے اس مرحلے کے بارے میں بات کرنے میں آرام دہ محسوس کرتی ہوں'۔

اداکارہ نے کہا کہ آج وہ ایک بہتر مقام پر ہیں۔ پرینکا نے کہا کہ ان کے ساتھ جو چیزیں ہوئیں اسے انہوں نے معاف کردیا ہے اور وہ ان سب سے آگے بڑھ گئی ہیں۔ پرینکا نے کہا کہ ' میں سوچتی ہوں کہ اب میں جہاں ہوں میں اپنے جذبات کو بیان کرنے میں ٹھیک محسوس کرتی ہوں۔ مجھے لگتا ہے کہ جو کچھ ہوا اس کے ساتھ میرا بہت ہنگامہ خیز رشتہ رہا ہے،پھر میں نے معاف کردیا اور ان سب چیز سے بہت پہلے ہی آگے بڑھ چکی ہوں اور میں نے اس میں شانتی ڈھونڈ لی۔ مجھے لگتا ہے کہ اس بارے میں بات کرنا میرے لیے آسان ہے'۔

واضح رہے کہ ایک حالیہ انٹرویو میں پرینکا چوپڑا نے کسی کا نام لیے بغیر کہا تھا کہ انہیں ہندی فلم انڈسٹری میں مخالفت کا سامنا کرنا پڑا کیونکہ لوگوں نے انہیں فلموں میں کاسٹ کرنا چھوڑ دیا تھا جس کی وجہ سے انہیں مجبوراً ہالی ووڈ جانا پڑا۔

ڈیکس شیفرڈ کے ساتھ پوڈ کاسٹ آرم چیئر ایکسپرٹ میں بات کرتے ہوئے پرینکا نے شیئر کیا کہ انہیں بالی ووڈ میں 'کارنر' کیا جا رہا تھا اور انڈسٹری میں لوگوں کے ساتھ کچھ 'نااتفاقی' بھی تھی۔ لوگوں نے مجھے کاسٹ کرنا بند کردیا تھا'۔