ممبئی: سدھارتھ ملہوترا اور رشمیکا مندانا نے جمعہ کی رات کو اپنی ایک ساتھ پہلی فلم مشن مجنوں کی کامیابی کا جشن منایا۔ وہیں پاکستانی اداکار عدنان صدیقی نے اپنے ایک انسٹاگرام پوسٹ کے ذریعہ مشن مجنوں کو 'خراب تحقیق' والی فلم قرار دیا۔ بالی ووڈ میں کام کرنے والے صدیقی اس فلم میں پاکستانی مسلمانوں کی نمائندگی سے ناخوش ہیں۔Pakistani Actor Criticized Mission Majnu
انسٹاگرام پر عدنان نے مشن مجنوں کو 'پاکستانیوں کی غلط تصویر' پیش کرنے پر تنقید کا نشانہ بنایا۔ انہوں نے مشن مجنوں کو 'بد ذائقہ' اور حقیقت کے منافی' فلم قرار دیتے ہوئے اسے 'خراب کہانی، خراب پیش کش اور خراب تحقیق کے لیے تنقید کا نشانہ بنایا۔ آنجہانی اداکارہ سری دیوی کی اداکاری والی ہندی فلم مام میں کام کرنے والے اداکار عدنان نے ایک پوسٹ شیئر کرتے ہوئے پوچھا کہ ' کتنی غلط نمائندگی سے ہمیں معلوم ہوگا کہ غلط نمائندگی ہوئی ہے؟ بالی ووڈ کے پاس اس کا جواب ہے۔ کیا ہوگیا ہے یار، آپ کے پاس اتنا پیسہ ہے، کوئی اچھے ریسرچرز ڈھونڈ لو جو ہم پر تحقیق کر سکیں یا مجھے مدد کرنے کی اجازت دیں'۔
مشن مجنوں کے میکرز سے ناراض عدنان نے لکھا کہ پاکستانی ٹوپی نہیں پہنتے، سُرمہ نہیں لگاتے اور تعویذ نہیں پہنتے'۔ جیسا کہ شانتنو باغچی کی ہدایتکاری میں بننے والی فلم میں سدھارتھ کو طارق کے کردار کے طور پر دیکھا گیا تھا۔ عدنان صدیقی مزید لکھتے ہیں کہ ' نوٹس بناؤ کہ ہم لوگ ٹوپی نہیں پہنتے، سُرمہ نہیں لگاتے اور تعویذ نہیں پہنتے۔ نہ ہم آداب کہتے ہیں اور نہ ہی آداب کہتے وقت جھکتے ہیں'۔