Haddi First Look: فلم ہڈی سے نوازالدین کی پہلی جھلک آپ کو حیران کردے گا

ڈرامہ سے بھرپور فلم 'ہڈی' کے میکرز نے فلم سے نوازالدین صدیق کی پہلی جھلک جاری کردی ہے، جس میں وہ ایک عورت کے روپ میں کرسی میں بیٹھے ہوئے پوز دیتے ہوئے نظر آرہے ہیں۔ پہلی نظر میں اداکار کو پہچان پانا ناممکن ہے۔ صدیقی نے اپنے آئندہ فلم میں اپنے انداز سے مداحوں کو خوش کردیا ہے۔Haddi First Look

ممبئی (مہاراشٹر): اداکار نوازالدین صدیقی آنے والی ڈرامہ فلم میں مرکزی کردار ادا کریں گے، جس کا نام ہڈی ہے۔ فلم کے میکرز نے منگل کو ایک پریس ریلیز میں کہا کہ یہ فلم زی اسٹوڈیو کے بینر تلے تیار ہونے والی ہے اور اس کی ہدایتکاری فلمساز اکشت وجے شرما کریں گے، جو ان کی پہلی فلم ہے۔Haddi First Look

پروڈکشن ہاؤس نے فلم سے صدیقی کی پہلی جھلک بھی جاری کی، جس میں وہ ایک عورت کے روپ میں کرسی پر بیٹھے ہوئے پوز دیتے ہوئے نظر آتے ہیں۔ پہلی نظر میں اداکار کو پہچان پانا ناممکن ہے۔ صدیقی نے اپنے آئندہ فلم میں اپنے انداز سے مداحوں کو خوش کردیا ہے۔

ہڈی کے کردار کو ادا کرنے کے حوالے سے نوازالدین صدیقی نے کہا کہ ' میں نے بہت مختلف اور دلچسپ کرداروں کو پیش کیا ہے لیکن ہڈی میں میرا کردار ایک منفرد اور خاص ہونے والا ہے کیونکہ میں ایسا کردار ادا کرنے والا ہوں جسے میں نے کبھی نہیں کیا ہے اور بطور اداکار یہ مجھے دیگر تجربات کو آزمانے میں مدد کرے گا'۔

سیکرڈ گیمز کے یونٹ ڈائریکٹر اور حال ہی میں ریلیز ہوئی فلم میجر میں ڈائیلاگ رائٹر کے طور پر کام کرنے والے اکشت وجے شرما نے آدمیہ بھلا کے ساتھ مل کر فلم کی تحریر لکھی ہے۔

ہدایت کار نے کہا کہ ہڈی ان کے لیے خاص ہے کیونکہ انہیں صدیقی کے ساتھ کام کرنے کا موقع ملا ہے، جنہوں نے جو گینگز آف واسے پور، کہانی، رمن راگھو 2.0، بجرنگی بھائی جان اور سیریس مین جیسی فلموں میں کام کیا ہے۔

شرما نے مزید کہا کہ "ہماری ٹیم امید کر رہی ہے کہ موشن پوسٹر شائقین کو متاثر کرے گا کیونکہ اس فلم میں ہم ایک نئی دنیا کو دکھانے کے لیے پرجوش ہیں۔ ہم فلم کی شوٹنگ کو شروع کرنے کا بے صبری سے انتظار کر رہے ہیں'۔

اس فلم کی شوٹنگ نوئیڈا اور غازی آباد سمیت مغربی اتر پردیش کے آس پاس کے علاقوں میں کی جائے گی۔