حیدرآباد: بالی ووڈ کے مشہور فلمساز کرن جوہر نے اپنے مداحوں کو اس وقت حیران کردیا جب انہوں نے سوشل میڈیا پر کہا کہ ان کے مقبول چیٹ شو 'کافی ود کرن' کا اگلا سیزن نہیں آرہا ہے۔ یہ خبر سن کر شو کے مداحوں کے چہرے مرجھا گئے، لیکن اگلے ہی دن کرن نے اپنی نئی پوسٹ میں بتایا کہ شو کا اگلا سیزن آ رہا ہے، لیکن ٹی وی کے بجائے یہ او ٹی ٹی پر نشر ہوگا۔ جب مداحوں کو اس بات کا علم ہوا تو ان کے چہروں پر مسکراہٹ دوبارہ لوٹ آئی۔ Koffee with Karan season 7
اب شو سے متعلق ایک بڑی خبر سامنے آ رہی ہے کہ ساؤتھ اسٹار الو ارجن اور رشمیکا مندانا شو میں بطور مہمان تشریف لانے والے ہیں۔ ایسے میں یہ دونوں سپر اسٹار فلمساز کرن جوہر کے سامنے ان کے سوالوں کا جواب دیتے نظر آئیں گے۔ یہ ایپی سوڈ شائقین کے لیے بہت دلچسپ ہونے والا ہے۔ Allu Arjun and Rashmika to Feature in Koffee with Karan