حیدرآباد: سلمان خان کی آئندہ فلم کسی کا بھائی کسی کی جان کا ٹیزر شاہ رخ خان کی ایکشن فلم پٹھان کی سینما گھروں میں نمائش کے دوران دکھایا گیا۔ ٹیزر کا آغاز سلمان خان کے صحرا میں موٹر سائیکل چلانے سے ہوتا ہے اور پھر وہ میٹرو میں بدمعاشوں کو مارتے نظر آتے ہیں۔ اس میں انہیں اداکارہ پوجا ہیگڑے کے ساتھ رومانس کرتے ہوئے بھی دیکھا گیا۔ تقریباً ایک منٹ 40 سیکنڈ کے ٹیزر میں ایکشن کے کئی مناظر بھی دکھائے گئے ہیں۔Kisi Ka Bhai Kisi Ki Jaan teaser
ٹیزر کے آخر میں سلمان ایک سفید قمیض میں بدمعاشوں سے لڑتے نظر آتے ہیں۔ آخر میں وہ ڈائیلاگ بولتے ہیں ' جب شریر، دل اور دماغ مجھ سے کہتے ہیں بس بھائی، نو مور، میں کہتا ہوں برنگ اٹ آن'۔
کسی کا بھائی کسی کی جان کے ٹیزر نے سلمان کے مداحوں میں خوشی کی لہر پیدا کردی ہے۔ سوشل میڈیا پر مداح جم کر کسی کا بھائی کسی کی جان کے ٹیزر پر اپنے ردعمل کا اظہار کر رہے ہیں۔ شائقین کا ماننا ہے کہ سلمان کی یہ فم بلاک بسٹر ہونے والی ہے جس میں اداکار بالکل ایک نئے اوتار میں نظر آئیں گے۔ ٹیزر پر ردعمل ظاہر کرتے ہوئے ایک مداح نے لکھا کہ 'ایمانداری سے کہوں تو مجھے توقع نہیں تھی۔۔ لیکن یہ ٹیزر زبردست ہے۔ بلاک بسٹر ہرجگہ ہے۔ بیک گراؤنڈ میوزک اور ہماری شہناز گل سلمان خان کے ساتھ بڑی اسکرین پر ہوں گی۔ وہ بھی ایک ساؤتھ انڈین اوتار میں'۔