کارتک آرین اور کیارا اڈوانی نے اتوار کی شام ایک فلم تھیٹر کا دورہ کیا۔ اپنی فلم ستیہ پریم کی کتھا کی نمائش کے ختم ہونے کے بعد انہوں نے مداحوں سے ملاقات کی یہاں کہ شائقین میں سے بہت سے لوگوں نے دونوں اداکاروں کو کھڑے ہو کر داد بھی دی۔ کارتک اور کیارا دونوں سفید رنگ کے لباس میں نظر آئے۔ ان دونوں کی اس موقع کی ویڈیو بھی سوشل میڈیا پر سامنے آئی ہے۔Kiara and Kartiksurprise visit to theatre
کیارا اڈوانی نے اپنے تھیٹر دورے کی ایک ویڈیو انسٹاگرام پر شیئر کئیں اور کھڑے ہونے پر اپنے مداحوں کا شکریہ ادا کیا۔انہوں نے لکھا کہ 'جب شائقین ہمیں کھڑے ہو کر داد دیتے ہیں، تب ہی آپ کو احساس ہوتا ہے کہ آپ نے کچھ جادوئی چیز بنائی ہے اس لمحہ کو میں ہمیشہ جیوں گی۔میں صرف اتنا کہنا چاہتی ہوں کہ ستیہ پریم کی کتھا کی پوری ٹیم کی طرف سے آپ کا شکریہ'۔
کیارا کے مداحوں نے اس ویڈیو پر ردعمل کا اظہار کیا اور فلم میں ان کی اداکاری کو سراہا۔ ایک مداح نے لکھا کہ 'میں وہاں تھا پہلے مجھے لگا کہ یہ ایک مذاق ہے لیکن یہ سب حقیقت تھا'۔ بہت سے لوگوں نے کہا کہ یہ فلم اس کی مستحق تھی'۔ وہیں ایک مداح نے لکھا کہ 'کیارا اڈوانی اور کارتک آرین آپ نے فلم کے ذریعے لوگوں کو بہت اچھا پیغام دیا ہے اور اس کے لیے آپ کا بہت بہت شکریہ'۔
ایک پاپرازی نے اپنے انسٹاگرام پیج پر ایک ویڈیو بھی شیئر کی جس میں کارتک کو اپنے مداحوں کے ساتھ سیلفی لیتے ہوئے دیکھا گیا۔ اس میں کالج کے ایک پروفیسر کارتک کو بتارہی ہیں کہ وہ سیلفی لینا نہیں جانتی ہے۔ اداکار ان کا فون لے کر ان کے ساتھ سیلفی لیتے ہیں۔
ستیہ پریم کی کتھا کو سمیر ودوان نے ڈائریکٹ کیا ہے اور اسے جمعرات کو تھیٹروں میں ریلیز کیا گیا۔ فلم کو شائقین کی جانب سے مثبت ردعمل ملا ہے۔ فلم نے چار دنوں میں 38 کروڑ روپے سے زائد کا کاروبار کیا ہے۔ اس میں سپریا پاٹھک، گجراج راؤ اور شیکھا تلسانیا بھی ہیں۔
