Kartik Aaryan on Bhool Bhulaiyaa2:'کارتک آرین نے بھول بھولیا 2 کی کامیابی کو غیریقینی بتایا'

اداکار کارتک آرین ابھی تک اپنی حالیہ ریلیز بھول بھولیا 2 کی شاندار کامیابی کا جشن منا رہے ہیں۔ اداکار نے فلم کے حوالے سے کہا کہ ' انہیں توقع تھی کہ یہ فلم باکس آفس پر اچھی کارکردگی کرے گی لیکن ایک ہارر کامیڈی فلم دو سو کروڑ روپے کا ہندسہ عبور کرے گی، اس کا خیال ان کے ذہن میں کبھی نہیں آیا تھا'۔Kartik Aaryan on Bhool Bhulaiyaa2

ممبئی (مہاراشٹر): بالی ووڈ اسٹار کارتک آرین اپنی فلم بھول بھولیا 2 کی ریلیز سے کافی خوش ہیں اور انہیں حیرت بھی ہے کہ ان کی فلم باکس آفس پر اتنی زیادہ کمائی کرے گی۔ فلم کی کامیابی کے حوالے سے اداکار کا کہنا ہے کہ ' اگرچہ ٹیم کو فلم بھول بھولیا 2 کی تجارتی کامیابی کے بارے میں یقین تھا لیکن انہیں یہ امید نہیں تھی کہ یہ فلم باکس آفس پر ہندی فلم انڈسٹری کے بگڑے حال کو بحال کرے گی'۔Kartik Aaryan on Bhool Bhulaiyaa2

20 مئی کو ریلیز ہونے والی انیس بزمی کی ہدایت کاری میں بنی اس فلم کی کہانی اور تبو، راجپال یادو، کیارا اڈوانی اور آرین کی پرفارمنس کو ناقدین اور فلمی شائقین کی جانب سے مثبت ردعمل ملا ہے۔ بھوشن کمار کی ٹی سیریز اور سائن 1 اسٹوڈیوز کی طرف سے تیار کی گئی اس فلم نے دنیا بھر میں 230 کروڑ روپے کی کمائی کی ہے، جو بچن پانڈے، پرتھویراج، ہیروپنتی 2 اور جرسی جیسی فلموں کی باکس آفس پر ناکامیوں کے بعد ہندی فلم انڈسٹری کے لیے راحت بن کر آئی ہے۔

آرین نے ایک میڈیا پروگرام میں کہا کہ ' واقعی اچھا لگ رہا ہے۔ مجھے نہیں معلوم تھا کہ ہم انڈسٹری کو بحال کر پائیں گے۔ ہمیں امید تھی کہ فلم اچھی کارکردگی دکھائے گی۔ سچ پوچھیں تو ہمیں امید تھی کہ یہ 100 کروڑ روپے سے تجاوز کر جائے گی۔ ہم نے کبھی نہیں سوچا تھا کہ یہ 200 کروڑ کا ہندسہ عبور کرے گی۔ یہ ہماری توقعات سے زیادہ ہے'۔

انہوں نے مزید کہا کہ ' ہمیں یقین تھا کہ فیملی والے لوگ اس سے لطف اندوز ہوں گے کیونکہ یہ ایک تفریحی فلم ہے۔ جس چیز نے مجھے حیران کیا وہ بچوں کا ردعمل تھا، جیسے کہ ایک تین سال کا بچہ ' ہرے رام' گا رہا ہے۔ یہ سب کچھ غیر حقیقی لگتا ہے۔ ہم نے کبھی سوچا نہیں تھا کہ یہ لوگوں تک اتنا گہرائی سے پہنچے گا'۔

31 سالہ اداکار، جو حال ہی میں COVID-19 سے صحت یاب ہوئے ہیں، نے کہا کہ وہ فلم کی کامیابی کا جشن نہیں منا پائے ہیں۔ آرین نے مزید کہا کہ 'میرے پاس ابھی (جشن منانے کا) وقت نہیں ہے۔ فلم تھیٹرز میں چل رہی ہے اور نیٹ فلکس پر بھی ٹاپ فائیو میں ہے۔ یہ ابھی تک چل رہی ہے کیونکہ ہر روز کوئی نہ کوئی نیا ریکارڈ قائم ہورہا ہے۔ مجھے بتایا گیا ہے کہ ابھی تک 10 ملین لوگ فلم دیکھ چکے ہیں، یہ بہت بڑا قدم ہے'۔

گوالیر میں پیدا ہونے والے اداکار نے رومانوی کامیڈی فلم پیار کا پنچنامہ میں اپنے ڈائیلاگ کی وجہ سے مقبولیت حاصل کی۔ سونو کے ٹیٹو کی سویٹی اور لکا چھپی ان کے کیرئیر کے لیے ٹرننگ پوائنٹ ثابت ہوا۔ آرین نے بتایا کہ ' جب وہ پیچھے مڑ کر دیکھتے ہیں تو وہ اپنی زندگی میں کچھ بھی بدلنا پسند نہیں کریں گے'۔

انہوں نے کہا کہ ' میرے اس سفر میں جو بھی ہوا ہے اسے میں کبھی بدلنا نہیں چاہوں گا، جیسا کہ میں نے انڈسٹری میں جہاں سے آغاز کیا، مجھے جس اتار چڑھاؤ کا سامنا کرنا پڑا، اسے میں تبدیل نہیں کرنا چاہوں گا۔ یہ سب کے لیے ایک مثبت کہانی ہے۔

اداکار نے کہا کہ وہ فی الحال شہزادہ کے آخری شیڈول کی شوٹنگ کر رہے ہیں اور اس کے بعد وہ ہنسل مہتا کے کیپٹن انڈیا کی شوٹنگ شروع کریں گے۔ آریان نے کہا کہ روہت دھون کی ہدایت کاری میں بننے والی فلم شہزادہ، اللو ارجن کی اداکاری والی فلم الا ویکنتھا پورمولو کا ہندی ریمیک ہے لیکن یہ اصل فلم سے مختلف ہوگا۔