Champions of Change Award 2021: جوہی چاولہ اورآر مادھاون کو چیمپئنزآف چینج ایوارڈ 2021 سے نوازا گیا

بالی وڈٓ کی مشہور اداکارہ جوہی چاولہ اور اداکارمادھون کو دارلحکومت دہلی کے وگیان بھون میں سابق صدر رام ناتھ کووند سے خصوصی ایوارڈ چیمپئنز آف چینج سے نوازا گیا۔ تقریب کی چند جھلکیاں شیئر کرتے ہوئے جوہی نے انسٹاگرام پر اظہار تشکر کیا۔ Juhi Chawla And R Madhavan Honoured With Champions Of Change Award 2021

یہ اداکار جوہی چاولہ اور آر مادھاون کے لیے فخر کا لمحہ ہے کیونکہ انہیں اتوار کو نئی دہلی میں چیمپئنز آف چینج ایوارڈ سے نوازا گیا۔ جوہی اور مادھون کو دارلحکومت دہلی کے وگیان بھون میں سابق صدر رام ناتھ کووند سے خصوصی ایوارڈ سے نوازا گیا۔ تقریب کی چند جھلکیاں شیئر کرتے ہوئے، جوہی نے انسٹاگرام پر اظہار تشکر کیا۔ جوہی نے لکھا کہ "کہا جاتا ہے کہ 'ہر چیمپیئن کے پیچھے ایک ٹیم ہوتی ہے جس نے اسے وہ چیمپئن بننے کے لیے تیار کیا ہوتا ہے۔' ہر اس شخص کا شکریہ ادا کرتی ہوں جس نے میری زندگی کو چھوا، مجھے سیکھنے، بڑھنے اور معاشرے کے لیے جو کچھ بھی کر سکتی تھی، اس میں میری مدد کی۔

جیسے ہی جوہی نے تقریب کی تصاویر اور ویڈیوز شیئر کی، فلم انڈسٹری کے ممبران اور ان کے مداحوں نے کمنٹ سیکشن میں انہیں مبارکباد دینا شروع کردیا۔ منیشا کوئرالا نے تبصرہ کیا، "مبارکباد کے مستحق ہیں۔ مبارک ہو،" روینہ ٹنڈن نے بھی تبصرہ کیا۔ مادھاون نے اپنے انسٹاگرام پر ایوارڈ وصول کرتے ہوئے ایک ویڈیو بھی شیئر کیا۔ "آپ کا بہت بہت شکریہ۔ گوڈ گریس" انہوں نے کلپ کا عنوان دیا۔ چیمپئنز آف چینج گاندھیائی اقدار، کمیونٹی سروس اور سماجی ترقی کو فروغ دینے کے لیے ایک ہندوستانی ایوارڈ ہے۔ اس کی شروعات 2011 سے کی گئی تھی۔