حیدرآباد (تلنگانہ): جموں و کشمیر کے پہلگام بازار میں شرپسندوں کی جانب سے اداکار عمران ہاشمی پر پتھراؤ کرنے کی خبریں پیر کے روز خوب وائرل ہوئی تھیں۔ عمران، جو اس وقت جموں و کشمیر میں اپنی آئندہ فلم گراؤنڈ زیرو کی شوٹنگ کر رہے ہیں، نے پتھراؤ کے واقعے میں زخمی ہونے کی تردید کی ہے۔Emraan Hashmi Stone Pelting Incident
ان خبروں پر ردعمل ظاہر کرتے ہوئے عمران نے منگل کو ٹویٹر پر پتھراؤ کے واقعے میں زخمی ہونے کی تردید کی۔ اداکار نے یہ بھی کہا کہ کشمیری لوگوں نے گرم جوشی سے ان کا استقبال کیا اور انہوں نے سری نگر اور پہلگام میں گراؤنڈ زیرو کی شوٹنگ کا خوب لطف بھی اٹھایا۔
عمران نے پہلگام میں پتھر بازی کے واقعے پر لکھا کہ "کشمیر کے لوگوں نے بہت گرمجوشی سے میرا استقبال کیا، سری نگر اور پہلگام میں شوٹنگ کرنا بے حد مزے دار رہا۔ پتھر بازی کے واقعے میں میرے زخمی ہونے کی خبر غلط ہے'۔
خیال رہے کہ عمران ہاشمی 24 اگست کو سری نگر پہنچے تھے اور انسٹاگرام پر جنت کے اداکارہ نے ایک تصویر شیئر کرتے ہوئے لکھا تھا کہ ' پہلی بار جنت کے شہر سری نگر میں !! کاؤنٹ ڈاؤن ٹو زیرو... لائٹس کیمرہ ایکشن'۔
وہیں اننت ناگ پولیس نے پیر کو پہلگام میں فلم کے عملے پر پتھراؤ کرنے کے الزام میں ایک شخص کو گرفتار کیا۔ اننت ناگ پولیس نے ایک نیوز وائر کو بتایا کہ 18 ستمبر کو پہلگام میں ایک فلم کی شوٹنگ کے دوران گرفتار شدہ شخص نے عملے کے ارکان پر پتھراؤ کیا تھا۔ پولیس کے مطابق یہ واقعہ اس وقت پیش آیا جب شوٹنگ ختم ہونے والی تھی۔
اننت پولیس نے بتایا کہ ' 18 ستمبر کو پہلگام میں ایک فلم کی شوٹنگ کے دوران، شام 7:15 بجے ایک شرپسند نے عملے کے ارکان پر پتھراؤ کیا۔ پہلگام پولیس اسٹیشن میں شرپسند عناصر کے خلاف ایف آئی آر درج کی گئی اور شرپسند کی شناخت کر کے اسے گرفتار کر لیا گیا ہے'۔
مزید پڑھیں:Stone Pelting on Emraan Hashmi جموں و کشمیر میں عمران ہاشمی پر پتھراؤ، ایف آئی آر درج
