ممبئی: بگ باس 16 کے آئندہ ایپی سوڈ میں دوست سے دشمن بنے ٹینا دتا اور شالن بھنوٹ کو بالی ووڈ کے سپر اسٹار اور شو کے میزبان سلمان خان کے غصے کا سامنا کرنا پڑسکتا ہے۔ جہاں سلمان نے شالن کو ٹینا کے لیے توہین آمیز زبان استعمال کرنے پر ڈانٹ لگائی وہیں میزبان نے اترن کی اداکارہ ٹینا کو پرینکا چودھری کے سامنے شالن کی نجی باتیں شیئر کرنے پر تنقید کی۔ بگ باس 16 کے آئندہ ایپی سوڈ کے پرومو میں سلمان پرینکا کے ساتھ شالن کے لیے غلط باتیں کرنے پر ٹینا پر غصہ ہوتے نظر آئے۔ ٹینا نے حال ہی میں شالن کے بارے میں کچھ قابل اعتراض دعوے کیے ہیں۔
حال ہی ایک ایپی سوڈ میں ٹینا پرینکا کو یہ بتاتی ہوئی نظر آرہی ہیں کہ ' شالن نے بگ باس کے گھر میں داخل ہونے سے پہلے ان سے ملنے اور ایک ٹیم بنانے کے لیے بے چین تھے۔ ٹینا نے یہ بھی بتایا کہ 'شالن نے ان سے کسی چیز کا مطالبہ بھی کیا تھا'۔ پرومو میں سلمان اپنی سخت آواز میں ٹینا کو ڈانٹتے ہوئے نظر آرہے ہیں کیونکہ اداکارہ نے انکشاف کیا تھا کہ 'شالن نے بگ باس 16 کے گھر میں داخل ہونے سے پہلے ان سے کسی 'گھٹیا چیز' کا مطالبہ کیا تھا۔ سلمان نے ٹینا کے دوہرے رویے کی بھی تنقید کی۔