لاس اینجلس: آسکر ایوارڈ یافتہ فلمساز جیمز کیمرون کے بلاک بسٹر سیکوئل اوتار: دی وے آف واٹر کو ریلیز ہوئے ابھی چھ ہفتے ہوئے ہیں اور اس نے عالمی سطح پر تقریبا 2 بلین ڈالر سے بھی زائد ٹکٹیں فروخت کرنے کا ہندسہ عبور کرلیا ہے۔ اوتار 2 ان چھ فلموں کی کلب میں شامل ہوگئی ہے جس نے یہ سنگ میل حاصل کیا ہے۔ اس خصوصی کلب میں 'اوتار، ایوینجرس: اینڈ گیم، ٹائٹینک، اسٹار وارس: دی فورس اویکنس اور ایوینجرس: اینفینیٹی وار' جیسی فلم شامل ہیں۔ ساتھ ہی اوتار 2 وبائی دور میں اتنی کمائی کرنے والی پہلی فلم ہے۔Avatar 2 Box Office Collection
وہیں اب تک کی سب سے زیادہ کمائی کرنے والی چھ فلموں کی کلب میں تین فلمیں ایسی ہیں جس کی ہدایتکاری کیمرون نے کی ہے۔ وہ واحد ایسے ہدایتکار ہیں جن کی تین فلموں نے دو بلین ڈالر سے زائد کی کمائی کی ہے اور اس کلب میں جگہ بنائی ہے۔ قابل ذکر بات یہ ہے کہ اوتار سیریز میں نیتری کا کردار ادا کرنے والی زو سلڈانا نے اس کلب کی چھ میں سے چار فلموں میں کام کیا ہے جس کی کمائی دو بلین ڈالر سے تجاوز کی ہے۔ وہ ایوینجرس: اینڈ گیم اور ایوینجرس: اینفینیٹی وار دونوں میں بھی نظر آئی ہیں، جس میں انہوں نے گارڈینس آف دی گیلکسی کے گمورا کے کردار کو ادا کیا تھا۔
فلم کی کامیابی کے بارے میں بات کرتے ہوئے کیمرون نے پہلے کہا تھا کہ اوتار 2 کا دنیا بھر میں باکس آفس ایک بات یاد دلاتی ہے کہ فلم بین اب بھی اسٹریمنگ کے زمانے میں تھیٹر کے تجربے کو اہمیت دیتے ہیں۔واضح رہے کہ دی وے آف واٹر نے اپنا وہ ہدف حاصل کرلیا ہے جو کیمرون نے فلم کی ریلیز سے پہلے مقرر کیا تھا۔ آئندہ دنوں میں یہ فلم دنیا کی چوتھی اور پانچویں سب سے زیادہ کمائی کرنے والی فلم 'اسٹار وارز: دی فورس اویکنز ($2.07 بلین) اور ایوینجرس : اینفینیٹی وار ($2.04 بلین) کو پیچھے چھوڑ دے گی۔