اس موقعے پر انہوں نے وزیراعظم کی جانب سے 'ببوا' کہے جانے والے بیان پر رد عمل کا اظہار کرتے ہوئے کہا کہ' انتخابی نتائج کے بعد ہم وزیر اعظم کا نام رکھیں گے'۔
خیال رہے کہ 'پہلے مرحلے کے انتخابات کے بعد انتخابی تشہیری مہم میں زبردست اضافہ ہوا ہے۔ جہاں سیاسی پارٹیوں کے قائدین ووٹرز کو راغب کرنے کے لیے اپنی کوششیں جاری رکھے ہوئے ہیں، اور پورے ملک میں انتخابی تشہیر مہم جاری ہے۔ وہیں اترپردیش کے مرادآباد میں اتوار 14 اپریل کو وزیراعظم نریندر مودی نے انتخابی جلسہ سے خطاب کیا تھا اور پیر کے روز اکھلیش یادو نے خطاب کیا'۔
بی ایس پی ۔ ایس پی اور راشٹریہ لوک دل اتحاد سے سماج وادی پارٹی کے امیدوار ڈاکٹر ایس پی حسن میدان میں ہیں۔ آج اکھلیش یادو نے انتخابی جلسے کو خطاب کرکے عوام سے سماجوادی پارٹی کے حق میں ووٹ ڈالنے کی اپیل کی۔
سابق وزیر اعلی اکھلیش یادو نے مودی حکومت کی سخت نکتہ چینی کرتے ہوئے کہا کہ' ہم نے اپنی حکومت میں تعلیم کو فروغ دینے کے لیے ہر ایک انٹرمیڈیٹ پاس بچے کو لیپ ٹاپ دیا تھا'۔ جب کہ مودی سرکار نے تعلیم یافتہ نوجوانوں کو روزگار دینے کے بجائے پکوڑے بیچنے کی صلاح دی ہے'۔
وزیراعظم نریندر مودی کے جواب میں اکھلیش یادو نے کہا کہ' وزیراعظم نے ہمارا نام ' ببوا' رکھا ہے اور کل مرادآباد ریلی میں بھی ہمارا نام ببوا کے نام سے پکارا، انہوں نے کہا کہ ہمارے ہاں گھر کے سب سے پیارے اور دلارے بچے کو ببوا کہا جاتا ہے'۔
اکھلیش یادو نے کہا کی 23 مئی کو عام انتخابات کے نتائج آئیں گے ، ہم انتخابات کے بعد ان کا نام تجویز کریں گے'۔
وزیراعظم نریندر مودی اپنے آپ کو ملک کا چوکیدار بتاتے ہیں، یہ کیسے چوکیدار ہیں، جنھوں نے ملک میں نوٹ بندی اور جی ایس ٹی نافذ کی اور کئی بڑے کاروباری ہزاروں کروڑ روپیے کا چونا لگاکر فرار ہوگئے۔ اور انہوں اپنے ان کاروباری ساتھیوں کو جانے دیا۔
