یہاں کے گاؤں کے لوگوں نے الزام عائد کرتے ہوئے کہا ہے کہ ان کی انگلیوں پر زبردستی سیاہی لگاکر ووٹ دینے سے منع کیا گیا۔
چندولی کے تارا جیون پور گاؤں کے لوگوں نے الزام عائد کیا کہ،'ہماری انگلیوں پر زبردستی سیاہی لگا دی گئی اور 500 روپیے دے دیے گیے۔ یہ ہمارے ہی گاؤں کے تین لوگوں نے کیا، جو بی جے پی سے منسلک ہیں۔
انہوں نے پہلے ہم سے پوچھا کہ کیا پارٹی کو ووٹ دیں گے یا نہیں ۔ پھر سیاہی لگانے کے بعد انہوں نے کہا کہ اب ہم ووٹ نہیں ڈال سکتے ہیں۔ اس بارے میں کسی کو بتانا نہیں۔'
اس سلسلے میں چندولی کے ایس ڈی ایم کمار ہرش نے بتایا،' اس معاملے کے شکایت کنندان پولیس اسٹیشن میں ہی موجود ہیں۔ ان کے ذریعے فائل شکایت کی بنیاد پر ہی ہم ایکشن لین گے۔
گاؤن والے اب بھی ووٹ ڈال سکتے ہیں، کیونکہ ابھی ووٹنگ شروع نہیں ہوئی ہے۔انہیں اپنے ایف آئی آر میں انگلیوں پر زبردستی سیاہی لگانے کا ذکر کرنا ہوگا۔
غورطلب ہے کہ چندولی پارلیمانی حلقے میں بی جے پی سے مہیندر ناتھ پانڈے امیدوار ہیں، ان کا مقابلہ سماجوادی پارٹی کے سنجے سنگھ چوہان سے ہے۔ کانگریس نے یہاں سے اپنا امیدوار نہیں اتارا ہے۔