یوم تاسیس کی تقاریب 27اپریل کو منعقد کی جائیں گی۔ ٹی آر ایس کے کارگزار صدر کے تارک راماراو نے کہا کہ چونکہ ریاست میں انتخابی ضابطہ اخلاق نافذ ہے اسی لئے ان تقاریب کو سادگی کے ساتھ منانے کا فیصلہ کیا گیا ہے۔
ٹی آر ایس کا یوم تاسیس کو سادگی سے منانے کا فیصلہ
تلنگانہ کی حکمراں جماعت ٹی آر ایس نے سادگی کے ساتھ پارٹی کے 18ویں یوم تاسیس کی تقاریب منانے کا فیصلہ کیا ہے۔
فائل فوٹو
پارٹی کے رہنماء اور کارکنان سے خواہش کی گئی ہے کہ وہ 27اپریل کو یوم تاسیس کے دن اپنے آبائی مقامات پر پارٹی کے پرچم لہرائیں۔ ارکان اسمبلی، ارکان کونسل اور ارکان پارلیمنٹ سے خواہش کی گئی ہے کہ وہ پرچم کشائی کی تقریب میں حصہ لیں۔
گاوں سے لے کر ضلع کپ سطح تک پرچم لہرانے کے پروگرام منعقد کئے جائیں گے۔ ہر برس پارٹی کی جانب سے جلسہ عام منایا جاتا ہے تاہم ٹی آر ایس کی قیادت نے اس مرتبہ ان تقاریب کو سادگی کے ساتھ منانے کا فیصلہ کیا ہے۔