سادھوی پرگیہ نے حق رائے دہی استعمال کیا

مالیگاؤں بم دھماکہ کی اہم ملزمہ اور بھوپال پارلیمانی نشست سے بھارتیہ جنتا پارٹی کی امیدوار سادھوی پرگیہ سنگھ ٹھاکر نے ووٹ ڈال کر اپنے حق رائے دہی کا استعمال کیا۔

رائے دہی سے قبل سادھوی پرگیہ نے مندر جا کر پوجا کی۔

ووٹنگ کے بعد سادھوی نے کہا کہ انہیں رائے دہندگان پر پورا بھروسہ ہے اور انہیں ووٹ ضرور ملے گا اور وہ کامیابی سے ہمکنار ہوں گی۔

انہوں نے عوام سے ووٹ دینے کی اپیل کی ہے اور کہا کہ جمہوریت میں حق رائے دہی ایک بڑی طاقت ہے۔

سادھوی پرگیہ سنگھ کانگریس کے سینیئر رہنما دگ وجے سنگھ کے خلاف انتخابی میدان میں ہیں۔