اسی مناسبت سے دلی کے فصیل شہر یعنی چاندنی چوک اور جامع مسجد کے علاقے میں بی جے پی کے حامی مسلم کارکنان نے اپنی جماعت کے امید وار کے لیے ایک روڈ شو کیا جس میں الگ ہی طرح کا منظر تھا۔
روڈ شو میں شامل لوگ جب بی جے پی کے انتخابی نشان کمل کے پھول پر ووٹ ڈالنے کی اپیل کر نے کی کوشش کر رہے تھے تو وہاں پر موجود کچھ لوگ کانگریس پارٹی کی حمایت کرتے نظر آئے۔
اقلیتی کمیشن کے رکن اور بی جے پی کے سینئر رہنما عاطف رشید کا کہنا تھا کہ روڈ شو میں شامل لوگ روزہ دار تھے اور اس کا مقصد یہ تھا کہ مسلمان بھی بی جے پی کو ووٹ دیں۔
جامع مسجد کا علاقہ مسلمانوں کی اکثریت والا علاقہ ہے۔ بی جے پی کے مسلم حامی اور کارکنان نے مودی کا ماسک پہن کر شاہی جامع مسجد کے دامن میں روڈ شو کیا۔
لیکن جب یہ حامی بی جے پی کی حمایت میں نعرہ لگا رہے تھے تو ساتھ میں کانگریس کی حمایت بھی نعرے لگ رہے تھے۔
چاندنی چوک کی سیٹ سے ڈاکٹر ہرش وردھن بھارتیہ جنتا پارٹی کے امیدوار ہیں جبکہ کانگریس پارٹی نے اس بار یہاں سے جے پرکاش اگروال کو کھڑا کیا ہے۔ عام آدمی پارٹی کی جانب سے پنکج گپتا امیدوار ہیں۔
مودی کاماسک پہن کر بی جے پی کے مسلم کارکنان نے شاہی جامع مسجد کے دامن میں روڈ شو کیا۔
بی جے پی کے اقلیتی مورچہ کے کارکنان نے جامع مسجد گیٹ نمبر 2 سے گیٹ نمبر 3 تک روڈ شوکیا اور "ایک بار پھر مودی سرکار " کے نعرے لگائے۔
اقلیتی کمیشن کے ممبر اور بی جے پی کے سینئر رہنما عاطف رشید نے بتایا کہ جتنے لوگ روڈ شو میں آئے ہیں، سب روزہ دار ہیں اور ہمارا مقصد یہ ہے کہ مسلمان بی جے پی کو ووٹ دیں۔
