دربھنگہ میں لوگوں نے جوش و خروش سے ووٹنگ کی

ریاست بہار کے ضلع دربھنگہ کے کیوٹی اسمبلی حلقہ کے خرما پتھرا پولنگ مرکز پر لوگوں میں کافی جوش و خروش دیکھا گیا۔

شام پانچ بجے تک اس پولنگ اسٹیشن پر تقریبا 59 فیصد ووٹنگ ہو چکی تھی۔

اس موقع پر ایک معذور رائے دہندگان سے جب پوچھا کہ آپ کہاں آئے ہوئے ہیں؟ تو انہوں نے کہا کہ میں کرایہ کر رکشہ سے ووٹنگ کرنے کے لیے آیا ہوں۔

انہوں نے بتایا کہ انہیں معذوری پنشن اسکیم نہیں مل رہی ہے۔

علاوہ ازیں ایک خاتون ووٹر نے لالو پرساد یادو کو بہترین سیاسی رہنماء کہا۔

وہیں پولنگ مرکز پر تعینات افسر نے کہا کہ یہاں پر صبح سے ہی ووٹروں کی تعداد اچھی خاصی رہی ہے امید کرتا ہوں کے یہاں پر تقریبا 70 فیصد ووٹنگ ہو سکتی ہے۔