رمضان کے دوران انتخابی تشہیر میں کوئی پریشانی نہیں: شاہد علی

شدید گرمی میں عام انتخابات 2019 کی تشہیر شاید بہت سارے امیدواروں کے لیے مشکل ثابت ہوئی ہو لیکن دہلی کے اس مسلم امیدوار کے لیے گرمی اور رمضان دونوں پریشانی کا باعث نہیں بنے۔

چاندنی چوک لوک سبھا حلقے سے بی ایس پی کے امیدوار شاہد علی نے کہا کہ موسم گرما اور رمضان کا مہینہ میرے لیے مشکلات اور پریشانی کا سبب نہیں بنا، میں نے اس مہینہ میں تشفی بخش انتخابی تشیر کی۔

انہوں نے کہا کہ ہم لوگ جدو جہد کونے والے لوگ ہیں اور اسلام کی پہلی جنگ رمضان میں ہوئی تھی۔اس لیے یہ مہینہ جد و جہد کا مہینہ ہے۔

انہوں نے کہا کہ ماہ رمضان میرے لیے رحمت کا مہینہ ثابت ہوا اور میں اللہ کا شکر ادا کرتا ہوں کہ مجھے رمضان کے مہینہ میں روزہ رکھتے ہوئے اپنے جمہوری حق کی لڑائی لڑنے کا موقع ملا۔