برسوں بعد مایاوتی اور ملائم ایک سٹیج پر

سماجوادی پارٹی کے سینیئر رہنما ملائم سنگھ یادو اور بہوجن سماج پارٹی کی سربراہ مایاوتی تقریباً 26 برسوں بعد اسٹیج پر ایک ساتھ نظر آئیں۔

نوے کے عشرے میں دونوں کے درمیان سیاسی اتحاد ہوا تاہم اختلافات اس قدر بڑھ گئے کہ دونوں ایک دوسرے کے سیاسی رقیب بن گئے۔ بالآخر اکھلیش یادو کی کوششیں رنگ لائیں اور اب پھر دونوں رہنما ایک ساتھ ہیں۔

برسوں بعد مایاوتی اور ملائم ایک سٹیج پر

مین پوری حلقے سے ملائم سنگھ سماجوادی پارٹی کے امیدوار ہیں اور مایاوتی ان کے لیے ووٹ مانگنے آئی تھیں۔ اس موقع پر انھوں نے سختگیر ہندو تنظیم آر ایس ایس اور وزیراعظم مودی پر سخت تنقید کی۔

لوک سبھا انتخابات کے لیے ایس پی اور بی ایس پی نے اتحاد کیا ہے اور انتخابی مہم مشترکہ طور پر چلائی جا رہی ہے۔ لیکن اس اتحاد میں کانگریس شامل نہیں ہے اور سوال یہ ہے کہ بغیر کانگریس کے یہ اتحاد کتنا موثر رہے گا؟