پولنگ مرکز نہ ہونے سے مقامی لوگ ناراض

بھارتی ریاست اتر پردیش کے سہارنپور کے گاؤں اکبرپور گھڑی میں جس پرائمری اسکول میں ہر سال ووٹ ڈالے جاتے تھے، وہاں اس سال ووٹنگ مرکز نہ بنانے کی وجہ سے گاؤں کے لوگوں میں خاصی ناراضگی ہے۔

ایک جانب حکومت سو فیصد ووٹ ڈلوانے کی بڑے بڑے دعوے کرتی ہے، وہیں دوسری جانب سسٹم میں خرابی کی وجہ سے دیوبند کے گاؤں اکبر پور گڑھی میں اسکول کو ووٹ ڈالنے والی جگہ نہ بنا کر دوسرے گاؤں میں تقریباً دو کلو میٹر دور ووٹ ڈالے جا رہے ہیں۔

جس وجہ سے بزرگ، خواتین اور معزور لوگوں کا جانا تقریباً ناممکن ہے۔

گاؤں کے لوگوں کا الزام ہے کہ انہوں نے اعلی افسروں سے اس سلسلے میں پہلے ہی بات کی تھی لیکن افسران نے اس جانب توجہ نہیں دی۔ جس کے تحت اب اکبر پور گاؤں کے گھڑی کے لوگوں کو دوسرے گاؤں میں جاکر ووٹ ڈالنا پڑ رہا ہے-