وارانسی: کورونا وائرس سے نمٹنے کے لیے محکمہ ریلوے مستعد

ریاست اتر پردیش کے ضلع وارانسی کے کینٹ ریلوے اسٹیشن پر کورونا وائرس سے نمٹنے کے لیے مختلف الرٹ جاری کیے گئے ہیں ساتھ ہی مسافروں کو مختلف سہولیات بھی فراہم کی جارہی ہیں۔

وارانسی ریلویز نے اپنے ملازمین کو سخت احکامات دیے ہیں اور اسٹیشن کے بیشتر دروازے بند کر دیئے گئے ہیں تاکہ کوئی مسافر بغیر جانچ کرائے باہر نہ جا سکیں۔

کورونا وائرس جانچ کرنے والے ملازمین نے ای ٹی وی بھارت کو بتایا کہ صبح سے اب تک ہزاروں کی تعداد میں مسافروں کا جانچ کیا جا گیا ہے لیکن اب تک کسی بھی مسافر میں مثبت کرونا وائرس کے علامات نہیں پائے گئے ہیں۔

آپ کو بتا دیں کہ وزیراعظم نریندر مودی نے گزشتہ دنوں قوم سے خطاب کرتے ہوئے جنتا کرفیو کا اعلان کیا تھا جس کا اثر وارانسی کے ریلوے اسٹیشن پر دیکھنے کو ملا۔

واضح رہے گذشتہ روز بھارتی ریلویز نے تقریباً 80 ٹرینوں کو منسوخ کردیا تھا اس کے باوجود جو ٹرین ممبئی مہاراشٹر و دیگر ریاستوں سے آرہی ہیں ان کے مسافروں کو تھرمل اسکرین کے ذریعے جانچ کر روانہ کیا جا رہا ہے۔