بنارس میں دو نئے مشتبہ کورونا مریض سامنے آئے ہیں۔ ضلع مجسٹریٹ کے مطابق دو افراد کی پہلی جانچ کی رپورٹ مثبت آئی ہے اور ان افراد کا دوسرا ٹیسٹ یعنی تصدیق کا ٹیسٹ ابھی نہیں کیا گیا ہے۔
ان افراد کے کرونا مثبت ہونے کے بارے میں کوئی بھی سرکاری معلومات جمعہ کی دو پہر تک بی ایچ یو سے دوسرے ٹیسٹ کی رپورٹ کے بعد ہی دی جائے گی۔
نیز ضلع مجسٹریٹ نے یہ بھی کہا کہ ابھی ان دونوں افراد کو کورونا مثبت نہیں کہا جاسکتا ہے اور اگر جمعہ کے روز تصدیق ٹیسٹ بھی مثبت ہوجاتا ہے تو مناسب وقت پر آگاہ کیا جائے گا۔
اگر دوسری تحقیقات میں یہ دونوں معاملات کورونا مثبت معلوم ہوئے تو بنارس میں مجموعی طور پر 11 کورونا کیسز ہوں گے۔ ان میں سے 6 مریضوں کا علاج پہلے سے جاری ہے۔ جبکہ دو مریض صحت یاب ہوچکے ہیں اور 1 مریض کی موت ہوچکی ہے۔
