گیان واپی مسجد کے آثار قدیمہ کے سروے پر 18 کو سماعت

بنارس میں کاشی وشوناتھ مندر سے متصل گیان واپی مسجد کے آثار قدیمہ کی کھدائی کیس کی سماعت جمعہ کو ایک بار پھر ملتوی کردی گئی۔ عدالت نے سماعت کی اگلی تاریخ 18 مارچ مقرر کر دی ہے۔

گیان واپی مسجد کے آثار قدیمہ کے سروے سے متعلق زیر التواء کیس میں ضلعی عدالت میں جمعہ کو سماعت ہوئی۔ مدعی فریق نے ہندوستان کے محکمہ آثار قدیمہ سے گیان واپی کمپلیکس کا آثار قدیمہ کا سروے کرنے کی درخواست کی۔ ایک بار پھر اس معاملے میں سماعت ملتوی کردی گئی اور عدالت نے سماعت کی اگلی تاریخ 18 مارچ مقرر کردی ہے۔

سماعت کے بعد عدالت نے گیان واپی - وشوناتھ مندر کمپلیکس کے تنازع سے متعلق زیر التواء کیس میں اگلی تاریخ 18 مارچ مقرر کر دی ہے۔ سول جج (سینیئر ڈویژن - فاسٹ ٹریک) آشوتوش تیواری کی عدالت میں اس کیس کی سماعت جاری ہے۔

ہندوستان کے محکمہ آثار قدیمہ کے ذریعہ گیان واپی کیمپس کے سروے کی استدعا پر ایڈوکیٹ وجے شنکر رستوگی کی بحث جاری رکھتے ہوئے تاریخ طے کی گئی ہے۔

جمعہ کو سماعت کے دوران مدعا علیہ نے سول جج سے اپیل کی کہ وہ ہائی کورٹ میں زیر التواء پٹیشن کا حوالہ دیتے ہوئے سماعت ملتوی کردی، جس میں کہا گیا تھا کہ وہ ہائیکورٹ کے اس حکم کی کاپی عدالت میں پیش کریں، لیکن مدعی فریق کی جانب سے ایسا نہیں کیا گیا، جس کے بعد یہ اپیل خارج ہوگئی۔