یونیورسٹی کے رابطہ عامہ کے افسر نے پریس ریلیز جاری کر کہا ہے کہ مکیش امبانی کی اہلیہ نیتا انمبانی کو بنارس ہندو یونیورسٹی کے سوشل سائنسز کے شعبہ کے میں بطور وزٹنگ پروفیسر تقرری کیے جانے کے سلسلے میں جو خبریں شائع ہوئی ہیں وہ بے بنیاد ہیں۔
پریس ریلیز میں کہا گیا ہے کہ نیتا امبانی کو یونیورسٹی کے کسی بھی شعبے یا کالج میں بطور وزٹنگ پروفیسر تقرری یا تعلیم دینے کی ذمہ داری نہیں دی گئی ہے اس سلسلے میں یونیورسٹی انتظامیہ نے کوئی بھی حکم نامہ جاری نہیں کیا ہے۔پریس ریلیز میں کہا ہے کہ بنارس ہندو یونیورسٹی میں وزٹنگ پروفیسر کی تقرری کے لیے کچھ ضابطہ وضع کیے گئے ہیں جس کی منظوری کے بعد ہی تقرری عمل میں آتی ہے۔ اس سلسلےمیں نہ ہی کسی پیشکش کو منظوری ملی ہے اور نہ ہی کوئی حکم جاری کیا گیا ہے۔ اس حوالے سے جو بھی خبریں گردش کر رہی ہیں وہ بے بنیاد ہیں اس کی کوئی حقیقت نہیں ہے۔یونیورسٹی میں سوشل سائنس کے ڈین کوشل کشور شرما نے آف کیمرہ ای ٹی وی بھارت کو بتایا کہ یونیورسٹی سے سرمایہ داروں اور تاجروں کو جوڑنے کی پرانی روایت ہے اس سلسلے میں سرمایہ دار ٹاٹا بڑلہ کے نام پر یونیورسٹی میں ایک ہاسٹل بھی ہے اسی کڑی میں امبانی گھرانے کو بھی جوڑنے کی کوشش تھی لیکن اب یونیورسٹی نے اس کی تردید کردی ہے۔'
