ریاست اترپردیش کے ضلع بنارس میں واقع گیان واپی معاملے کی سماعت جمعرات کو دوبارہ شروع ہوگئی ہے، جمعرات کو کاشی وشوناتھ مندر کیس میں سماعت کے بعدضلع جج امیش چندر شرما نے اگلی تاریخ یکم دسمبر مقرر کی ہے۔
گیان واپی کیس میں سنی سنٹرل وقف بورڈ اور انجمن انتظامیاں مساجد کی جانب سے نظرثانی درخواست دائر کی گئی تھی۔
اس بارے میں جمعرات کو ڈسٹرکٹ جج کی عدالت میں سماعت ہوئی ہے، سول جج کے دائرہ اختیار کو سنی سنٹرل وقف بورڈ اور انجمن انتظامیاں کی جانب سے زیر التواء قانونی چارہ جوئی کی سماعت کے لیے چیلنج کیا گیا تھا۔
اس معاملے میں سول جج نے 25 فروری 2020 کو سنی سنٹرل وقف بورڈ اور انجمن انتظامات کے چیلنج کو مسترد کردیا، سول جج کے فیصلے کے خلاف سنی سنٹرل وقف بورڈ اور انجمن انتظامات مسجد کی جانب سے ضلعی جج کی عدالت میں نظرثانی درخواست دائر کی گئی، آخری سماعت میں اسے قبول کرتے ہوئے عدالت نے آج سے دائرہ اختیار پر سماعت شروع کردی ہے اور اگلی تاریخ یکم دسمبر مقرر کی ہے۔