غازی پور:دوسگے بھائیوں کا قتل

اترپردیش کے ضلع غازی پور کے نندگنج علاقے میں دو سگے بھائیوں کو نامعلوم افراد نے گولی ماردی۔ اس حادثے میں ایک بھائی کی موقع پر ہی موت ہوگئی جبکہ دوسرے نے وارانسی میں دوران علاج دم توڑ دیا۔

پولیس نے پیر کو بتایا کہ نند گنج علاقے کے ککہڑا گاؤں کے رہنے والے وجے اور اس کے بھائی پردیومن سائیکل مرمت کی دوکان چلاتے ہیں۔ اتوار کی رات دونوں دوکان بند کر کھ گھر لوٹ رہے تھے۔ بازار میں ہی نامعلوم افراد نے دونوں کو گولی ماردی۔ فائرنگ میں بڑے بھائی وجے کی رات میں ہی موت ہوگئی۔ جبکہ چھوٹے بھائی پردیومن نے آج اسپتال میں دم توڑدیا۔پولیس پورے معالے کی چھان بین کررہی ہے۔