بی جے پی رہنما کے خلاف مقدمہ درج

اترپردیش کے ضلع جونپور کے شہر کوتوالی پولیس نے بھارتیہ جنتا پارٹی کے اقلیتی سیل کے سکریٹری منیش سیٹھی کے ساتھ ان کے کنبے کے خلاف تشدد، گالم گلوج و جان سے مارنے کی دھمکی دینے کی دفعات کے تحت مقدمہ درج کیا ہے۔

پولیس ذرائع نے بتایا کہ کسیری بازار باشندہ سردار ترنجیت سنگھ نے منگل کی رات شہر کوتوالی میں تحریر دے کر الزام لگایا کہ بی جے پی رہنما منیش سیٹھی غیر قانونی شراب، جسم فروشی و آن لائن جوا کا کاروبا کرتے ہیں۔

انہوں نے بتایا کہ پولیس نے چھاپہ مار کر غیر قانونی شراب برآمد کر کے ان کے بیٹے کو گرفتار کیا ہے۔ اسی رنجش کو لے کر منیش سیٹھی ان کی بیوی چھایا سیٹھی، بیٹے مانک سیٹھی اور دیگر چار نے 25مئی کی شام تلوار جیسا ہتھیار لے کرسردار رنجیت سنگھ کی دکان نمبر۔64 پر قبضہ کرلیا۔ رنگداری کا مطالبہ کرتے ہوئے پورے کنبے کو جان سے مارنے کی دھمکی دی۔ پورا واقعہ آس پاس لگے سی سی ٹی وی کیمرے میں قید ہوگیا۔

شہر کوتوال پوان کمار نے بتایا کہ تحریر کی بنیاد پر ملزمین کے خلاف ایف آئی آر درج کرلی گئی ہے۔پولیس معاملے کی چھان بین کررہی ہے۔