بنارس: کورونا وائرس سے بیداری کا منفرد انداز

اس وقت پورا ملک کورونا وائرس انفیکشن کے انسداد پر لڑائی لڑ رہا ہے۔ ایسی صورت حال میں پولیس انتظامیہ مسلسل لوگوں کو گھروں میں رہنے کے لئے اپیل کر رہی ہے۔

ریاست اترپردیش کے شہر بنارس میں پولیس کے ساتھ سماجی کارکن عوام کو آگاہ کرنے کے لئے اہم کردار ادا کر رہے ہیں۔ اس ضمن میں کینٹ کے بیشتر علاقوں میں منن لال ساہو ایک خاص طرح کی ٹوپی پہن کر لوگوں سے اپیل کر رہے ہیں کہ وہ گھروں میں رہیں۔

یہ ٹوپی کورونا وائرس کی شکل جیسی ہے۔ جسے پہن کر منن عوام کو اس وبائی مرض سے محفوظ رہنے کی تدابیر بتا رہے ہیں۔ منن لال ساہو پولیس انتظامیہ کے ساتھ شہر کے مختلف علاقوں میں عوام سے بلا ضرورت گھروں کے باہر بیٹھے ہوئے لوگوں کو گھر میں رہنے کی اپیل کر رہے ہیں۔